අලුත්ම විද්‍යා ප්‍රබන්ධය

SCIENCE FICTION : ටර්මිනල් කෝඩ් - අපේ අලුත්ම විද්‍යා ප්‍රබන්ධය

Posted by
CHAPTER 00000 අළුයම 2.35, ගුවන් තොටුපොල ධාවන පථයේ ඊසානදිග අන්තය, ශ්‍රී ලංකා ගුවන් හමුදා අධි ආරක්ෂිත කලාපය, කටුණායක. තද කළු පැහැති සටන් ඇඳුමකින් සැරසුනු ඔහු සීරුවෙන් පය තැබුවා. ඊලාම් යුධ සමයේ ගුවන් හමුදා යානා නඩත්තු සිදුකල හැඟර් ගොඩනැගිල්ලක් වූ මෙය, යුද්ධයෙන් පසු අතහැර දමා තිබුණා. පිටතට සුවිසල් ගබඩාවක් මෙන් පෙනෙන මෙය තුල දකුණු ආසියාවේ අතිවිශාලතම පරිගණක මධ්‍යස්ථානයක් ක්‍රියාත්මක වන බව දන්නා ශ්‍රී ලාංකිකයින් ගණන අතැඟිලි ගණනටත් වඩා අඩුයි. කටුණායක ධාවන පථය අසල ඇති අතහැර දැමූ විශාල ගුවන්යානා නඩත්තු හැඟරය, බ්‍රිතාන්‍යයේ ඉලෙක්ට්‍රොණික හා සංඥා බුද්ධි අංශය වන GCHQ හා එහි ඇමරිකානු ප්‍රතිරූපය වන NSA ඒජන්සිය මගින් ඒකාබද්ධව පවත්වාගෙන, යන ලොවම ආවරණය වන චන්ද්‍රිකා හා ෆයිබර් ඔප්ටික් අධිවේගී දත්ත සම්ප්‍රේෂණ ජාලයේ එක් පර්යන්තයක් බවට පත්වුනේ 2010 වසරේදීයි. ශ්‍රී ලංකා ගුවන්හමුදා අධි ආරක්ෂිත කළාපයක් ලෙස උස් වැටවල් වලින් හා කැමරාවලින් ආරක්ෂාවූ මෙය තුල විශාල පරිගණක සර්වර් පද්ධතියක් හා චන්ද්‍රිකා සමග තත්පරයකට ටෙරාබයිටයක තරම් වේගයෙන් දත්ත හුවමාරු කරන ඩිජිටල් VSAT පද්ධතියක් තිබුණා. පාකිස්ථානය වැනි ද...
27

SPACE FLIGHT : අද අභ්‍යවකායට යැවෙන ඇමරිකාවේ අලුත්ම ඔත්තු බලන චන්ද්‍රිකාව

Posted by

තව සුළු මොහොතකින් එනම් ඇමරිකාවේ නැගෙනහිර සම්මත වෙලාවෙන් උදෑසන 7ට ඇමරිකාවේ අලුත්ම ඔත්තු බලන චන්ද්‍රිකාව ස්පේස් X සමාගමේ ෆැල්කන් 9 රොකට්ටුවකින් අභ්‍යවකාශය වෙත යැවීමට සියල්ල සූදානම් වී තිබේ. සියලුම ඇමරිකානු ඔත්තුබලන චන්ද්‍රිකා ගුවන්ගත කරවන්නේත් පාලනය කරන්නේත් National Reconnaissance Office (NRO)  නම්වූ අමෙරිකානු ඒජන්සිය මගිනි.

මේ වන විට ෆැල්කන් 9 රොකට්ටුවට ඉන්ධන පුරවා අවසන් පූර්ව පියාසර කටයුතු සිදුකෙරෙමින් තිබෙනවා. ෆ්ලොරිඩාවේ කේප් කැනවරල් තුඩුවේ  Launch Complex 39Aනම් රොකට් පර්යන්තයෙනුයි මෙම රොකට්ටුව අහසට විදින්නේ.

මෙම ලිපියා ලියා අවසන් කිරීමට පෙර සාර්ථකව ගුවන්ගත වුනු ස්පේස් X ෆැල්කන් 9 රොකට්ටුවේ "Lift Off" අවස්ථාව
NROL-76 යන කේතයෙන් පමණක් හඳුන්වන මෙම චන්ද්‍රිකාවේ හැකියාවන් පිලිබඳව කිසිවක් හෙලිවී නෑ. එහෙත් එය පෘථිවියේ බොහෝ පෙදෙස් සියුම්ව ඡායාරූපයට ගත හැකි අධිවිබේධන කැමරා සහිත එකක් බව නම් තහවුරුවී තිබෙනවා.

සාමාන්‍යයෙන් ඇමරිකානු ආරක්ෂක අංශ රොකට් ගුවන්ගත කිරීම සඳහා භාවිතා කරන්නේ ඇමරිකාවේ දැවැන්ත ආරක්ෂක තාක්ෂණ සමාගමක් වන Lockheed Marting සමාගම අනුබද්ධ United Launch Allience (ULA) නම් රොකට් ගුවන්ගත කිරීමේ සමාගමේ ඇට්ලස් රොකට්ටුය. එහෙත් මෙවර ස්පේස් X සමාගමට මේ කොන්ත්‍රාත්තුව ලැබුනේ යුනයිටඩ් ලෝන්ච් ඇලයන්ස් සමාගමට වඩා අඩු ලංසුවකට එම චන්ද්‍රිකාව උඩුගුවනට යැවීමට ස්පේස් x සමාගම ගිවිසුම් ගතවී සිටින නිසයි.








__________________________________________________________________________

Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

Comments

Post a Comment